Англиянинг “Сандерленд” клуби ярим ҳимоячиси Жоб Беллингем ёзги трансфер ойнасида Германиянинг икки гранд клуби — “Боруссия Дортмунд” ва “РБ Лейпциг”нинг диққат марказида турибди. “Сандерленд” 19 ёшли футболчи учун €25–30 миллион миқдорида трансфер тўлови талаб қилмоқда.
“Боруссия Дортмунд” раҳбарияти, жумладан спорт директори Себастьян Кель ва бош мураббий Нико Ковач, Беллингем билан музокаралар олиб бориш учун Англияга ташриф буюрди.
“РБ Лейпциг” ҳам Беллингемни ўз сафига қўшиш ниятида. “Ред Булл” гуруҳининг глобал футбол раҳбари Юрген Клопп ушбу трансферда муҳим роль ўйнаши мумкин.
Transfermarkt маълумотлари:
Бозор қиймати: €22 миллион
Шартнома муддати: 2028 йил 30 июнгача
Жорий мавсум статистикаси (барча мусобақаларда):
Ўйинлар: 40
Голлар: 4
Голли узатмалар: 3
Жоб Беллингем 2023 йилда “Бирмингем Сити”дан “Сандерленд”га ўтган ва жамоа билан 2028 йилгача шартнома имзолаган.
