"Бетис" президенти Анхель Аро вингер Антони мавзусига изоҳ берди. Январь ойи охиридан бери бразилиялик "оқ-яшиллар" сафида ижара асосида ўйнамоқда.
"Антонини доимий равишда сақлаб қолиш жуда ва жуда қийин. "Манчестер Юнайтед" билан учрашувимиз бўлади. Биз ижарани яна бир йилга узайтириш имкониятини муҳокама қилмоқчимиз. Ҳаммаси футболчининг ва "Манчестер Юнайтед"нинг қарорига боғлиқ бўлади," - деди Аро El Partidazo de COPE дастурида.
Эслатиб ўтамиз, пайшанба куни "Бетис" Европа Лигаси финалига йўл олди ва у ерда "Челси"га қарши ўйнайди.
