Испания чемпионатининг 36-туридан ўрин олган "Барселона" ва "Реал" ўртасидаги муҳим учрашув бўлиб ўтади. El Nacional хабарига кўра, ўйин олдидан "кўк-анорранглилар" етакчилари жамоа устози Ханс-Дитер Фликга илтимос билан чиқишган.
Футболчилар германиялик мутахассисдан ҳимоячи Роналд Араухони “эл-класико”га жалб қилмасликни сўрашган. Уругвайлик футболчи Чемпионлар лигаси доирасидаги "Интер"га (3:4) қарши ўйиндаги ўйини билан жамоадошларини ҳафсаласи пир қилди.
“Барселона” – “Реал” учрашуви 11-май, якшанба куни Каталония пойтахтида бўлиб ўтади. Ўйин Тошкент вақти билан 19:15 да янграйди.
