"Манчестер Юнайтед" таянч ярим ҳимоячиси Каземиро фаолиятини МЛС ва Саудия Арабистонида давом эттиришнинг фойдали вариантларига қарамай, "қизил иблислар"ни тарк этишни режалаштирмаяпти.
The Sun журналистлари хабарига кўра, бразилиялик хавбек фаолиятини манкунианликлар сафида якунлашни режалаштирмоқда. Қайд этилишича, Каземиронинг қарорига Рубен Аморим катта таъсир кўрсатган. Португалиялик мутахассис бразилияликни жамоанинг асосий футболчиларидан бири деб ҳисобламоқда.
Каземиро 2022 йилнинг августидан бери "Манчестер Юнайтед" шарафини ҳимоя қилмоқда. Томонлар ўртасидаги амалдаги шартнома муддати 2026 йилнинг ёзида тугайди. Унинг бозор қиймати 12 миллион еврога баҳоланмоқда.
