Франциянинг "Лилль" клуби шарафини ҳимоя қилаётган Анхель Гомес яна собиқ клуби "Манчестер Юнайтед" эътиборига тушди.
Caught Offside нашри хабарига кўра, "қизил иблислар" шу пайтгача футболчи учун курашда фаворит ҳисобланган "Тоттенхэм"нинг фаол қизиқишларига қарамай, 24 ёшли тарбияланувчисини жамоага қайтариш имкониятини кўриб чиқмоқда.
Гомес 2020 йилда ўйин амалиёти излаб "Юнайтед"ни тарк этган ва бир неча мавсум давомида "Лилль"нинг асосий таркибида мустаҳкам ўрнашиб олишга муваффақ бўлган. У жорий мавсум 20 та ўйинда майдонга тушди ва 2 та гол ҳамда 1 та голли узатмага муаллифлик қилди.
Унинг француз клуби билан шартномаси 2025 йилнинг ёзида якунига этади. Transfermarkt маълумотларига кўра, Гомеснинг бозор нархи 20 миллион евро атрофида.
