Ўзбекистон чемпионатининг 9-турида ОКМК сафарда «Қўқон-1912» билан баҳс юритиб, мавсумдаги тўртинчи иродали ғалабасини қўлга киритди.

Дастлаб, Авазбек Ўлмасалиев 38-дақиқада ўз дарвозасини ишғол этиб қўйди. Иккинчи бўлимнинг 73-дақиқасида эса Ўлмасалиев ўз хатосини тўғрилади ва орадаги фарқни йўққа чиқарди. 

Асадбек Собиржонов 81-дақиқада рақиб ҳимоячисининг хатосидан унумли фойдаланган ҳолда жамоасини ҳисобда олдинга олиб чиқди. Собиржоновнинг ўзи 87-дақиқада орадаги фарқни иккитага етказиб қўйди - 1:3.

Миржалол Қосимов жамоаси очколарини 22 тага етказиб, 1-ўринни мустаҳкамлади. Қўқонликлар 12 очко билан 6-поғонада қолди.

Суперлига. 9-тур
Қўқон-1912 — ОКМК 1:3

Голлар: Аваз Ўлмасалиев (38, автогол) — Аваз Ўлмасалиев (73), Асад Собиржонов (81, 87).

Қўқон-1912 — Азиз Исақов, Аслиддин Тоштемиров (Иқбол Маликжонов, 19), Жасур Ёқубов, Алишер Салимов, Шота Гвазава (Жавоҳир Ҳусанов, 88), Бахтиёр Қосимов, Шаҳзод Бешимов (Баҳром Абдураҳимов, 88), Жасур Холтўраев (Егор Кондратюк, 65), Шаҳзод Акрамов, Муҳаммаданас Ҳасанов, Андро Гиоргадзе.

ОКМК — Ҳумоюншоҳ Сайётов, Миржамол Қосимов (Асад Собиржонов, 64), Аваз Ўлмасалиев, Дилшод Аҳмадалиев, Клейди Датси (Азиз Холмуродов, 46), Хуршид Ғиёсов, Ойбек Рустамов, Аҳмадулло Муқумжонов (Наоаки Сенага, 64), Ислом Тўхтахўжаев, Арихиро Сентоку (Рубен Санчес, 46), Нодир Абдураззоқов.