Шанба куни "Брентфорд" сафарда "Ипсвич" устидан минимал ҳисобда ғалаба қозониб, мухлисларини хурсанд қилди. Натижада "асаларилар"нинг Премьер-лигадаги ғалабали серияси 4 ўйинга етди. Бунгача "Брентфорд" "Манчестер Юнайтед" (4:3), "Ноттингем Форест" (2:0) ва "Брайтон"ни (4:2) мағлуб этганди.

Squawka хабарига кўра, "Брентфорд" охирги марта инглиз футболининг топ-дивизионида тўртта ғалабадан иборат серияни жуда узоқ вақт - 86 йил олдин қайд этган.

Айни пайтда "Брентфорд" Премьер-лига турнир жадвалида саккизинчи ўринда бормоқда. Муайян шароитларда бу жой еврокубоклар учун йўлланма бўлиши мумкин.