"Хольштайн" Бундеслигадан иккинчи дивизионга тушиб кетди.
Жамоа 33-турда "Фрайбург"га 1:2 ҳисобида имкониятни бой берди.
Тур тугашига бироз вақт қолганида "Хольштайн" 25 очко билан 17-ўринда бормоқда. Жамоа Бундеслигада қолиш имкониятини йўқотди. Ўтиш ўйинларида ўйнаш ҳуқуқини берувчи 16-поғонадан ортда қолиш 4 очкони ташкил этади.
Шу тариқа, мавсум якунларига кўра, "Хольштайн" худди бироз аввалроқ "Бохум" каби тўғридан-тўғри иккинчи Бундеслигага равона бўлди.
16-ўринни "Санкт-Паули"дан 2 очко ортда қолаётган "Хайденхайм" эгаллаб турибди. Улардан қайси бири плей-оффда ўйнаши сўнгги турда ҳал бўлади.
