"Барселона" бу мавсумда 9 та иродали ғалабага эришди.
Кеча Ханс-Дитер Флик жамоаси Ла Лиганинг 35-турида "Реал"ни мағлуб этди (4:3). Жамоа дастлаб 0:2 ҳисобида ютқазаётганди.
Жорий мавсумда каталонияликлар бундай ғалабаларнинг 9 тасини қўлга киритишди. Бу Ла Лигада олти марта, Чемпионлар Лигаси, Испания Кубоги ва мамлакат Суперкубогида бир мартадан содир бўлган.
"Блауграна" 82 очко билан Ла Лига турнир жадвалида пешқадамлик қилмоқда ва "Реал"ни 7 очкога ортда қолдирмоқда. Кейинги турда "Эспаньол" устидан ғалаба қозонилса, каталонияликлар муддатидан аввал чемпионликни расмийлаштиради.
