"Ливерпуль" "Аталанта" ҳужумчиси Адемола Лукманга қизиқиш билдирмоқда ва вингер Федерико Кьезани эҳтимолий шартномага қўшиши мумкин, деб хабар беради Quotidiano Sportivo.
Манбага кўра, инглиз клуби 27 ёшли нигериялик футболчини қишда ўз сафига қўшиб олмоқчи бўлган. Ўшанда ҳам мерсисайдликлар Кьезани мумкин бўлган келишувга қўшиш имкониятини кўриб чиқишган, аммо "Аталанта" Лукманни мавсумнинг ҳал қилувчи босқичи олдидан қўйиб юборишни истамаган.
Италия клуби Лукманнинг сотуви учун 60 миллион евро олмоқчи ва трансфер суммасига ён бермоқчи эмас.
Кьезанинг "Аталанта"га ўтишидаги мумкин бўлган тўсиқлар орасида футболчининг юқори маоши, шунингдек, жамоа мураббийининг келажагига оид ноаниқлик ҳам бор.
Кьеза жорий мавсумда “Ливерпуль” сафида барча турнирлар доирасида 13 та ўйин ўтказиб, 2 та гол урди ва 1 та голли узатмани амалга оширди.
