"Реал" вингери Винисиус Жуниор ва ҳимоячи Лукас Васкеснинг Испания Ла лигасининг 35-турида "Барселона"га қарши ўйинда (3:4) олган жароҳатлари ҳақида тафсилотлар маълум бўлди. Ҳар икки футболчи ҳам дастлабки дақиқалардан майдонга тушишди, бироқ ўйиннинг иккинчи бўлимида алмаштирилди. Футболчиларнинг ташхиси ҳақида "қаймоқранглилар" расмий сайти хабар берди.
Маълумотларга кўра, Винисиус Жуниор чап тўпиғидан жароҳат олган. Лукас Васкес тиббий кўрикдан сўнг чап сонида пектин мушак жароҳати аниқланган. Ҳар икки футболчининг соғлиғини Мадрид тиббиёт ходимлари назорат қилишда давом этади.
35 турдан сўнг "Реал Мадрид" 75 очко билан Ла Лига турнир жадвалида иккинчи ўринда бормоқда. "Реал Мадрид"ни мағлуб этгандан сўнг, "Барселона" мавсумдаги умумий очколарини 82тага етказди ва "Қироллик клуби" билан орадаги очколари сони 7 тага етди.
