"Бавария" вингери Лерой Сане фаолиятини давом эттиришнинг бошқа бир вариантидан воз кечди.
Яқинда немис футболчиси Саудия Арабистонидан келган фойдали таклифни рад этгани хабар қилинганди. 29 ёшли футболчига Европада ҳам талаб бор, бироқ у янги шартнома бўйича музокаралар олиб боришдаги қийинчиликларга қарамай, "Бавария"ни тарк этишни истамаяпти: журналист Лоик Танзининг сўзларига кўра, "Марсель" Санега қизиқиш билдирган, бироқ футболчи француз клубига жавоб қайтармаган.
Лерой Саненинг "Бавария" билан амалдаги шартномаси шу ёзда якунига етади. Агентини алмаштиргач, вингер мюнхенликлар олдига янги талабларни қўйди, шу сабаб музокаралар барбод бўлиш арафасида турибди.
