"Бавария" марказий ҳимоячиси Эрик Дайер "Тоттенхэм" "Манчестер Юнайтед"га қарши майдонга чиқадиган Европа Лигаси финали ҳақидаги фикрлари билан ўртоқлашди.
Ўйин 21 май куни Бильбаодаги "Сан-Мамес" стадионида бўлиб ўтади. Учрашув ғолиби Чемпионлар лигасининг навбатдаги мавсумига йўлланмани қўлга киритади.
"Бу ақл бовар қилмайдиган бўлади. Мен ҳозирги "Тоттенхэм"нинг кўплаб футболчиларини ва ходимларининг катта қисмини биламан, шунинг учун улар ва умуман клуб учун жуда хурсанд бўлардим," - деди инглиз The Sun нашрига берган интервьюсида.













