"Барселона" "Байер"ни эркин агент сифатида тарк этадиган Жонатан Та учун курашда энди пешқадам эмас.
Марказий ҳимоячи "доришунослар" билан тугайдиган шартномасини узайтирмасликка қарор қилди. "Барселона" узоқ вақтдан бери немис учун курашда фаворит ҳисобланиб келганди: каталонияликлар Та билан оғзаки келишувга эришган, бироқ бўлажак мавсум учун рўйхатдан ўтишга кафолат бера олмади, бу эса футболчини қўрқитиб қўйди. Журналистлар Кристиан Фальк ва Тоби Альтшеффлнинг сўзларига кўра, "Барса" 29 ёшли футболчи энди "Бавария"га ўтишга интилаётганини тушунади. Мюнхен клуби ҳам бу ҳақда билади ва имкон қадар тезроқ шартномани ёпишни истамоқда - бир нечта тафсилотларни ҳал қилиш керак.
