"Барселона" уч нафар футболчи билан янги шартнома имзоламоқчи. Гап ярим ҳимоячи Френки де Йонг, ҳимоячи Эрик Гарсия ва дарвозабон Войцех Шесни ҳақида кетмоқда. Catalunya Radio хабарига кўра, "кўк-анорранглилар" раҳбарияти аллақачон футболчилар билан музокаралар олиб бормоқда.
Френки де Йонг ва Эрик Гарсиянинг амалдаги шартномаси 2026 йилнинг ярмигача мўлжалланган бўлса, Войцех Шеснининг келишуви жорий мавсум якунлангач ўз ниҳоясига етади.
"Барселона" Ла Лига турнир жадвалида финишга 3 тур қолганида пешқадамлик қилмоқда ва "Реал"ни 7 очкога ортда қолдирмоқда. 15 май куни Ханс-Дитер Флик жамоаси сафарда "Эспаньол"га қарши баҳс олиб боради.













