«Динамо» ПФК матбуот хизмати апрел ойи якунларига кўра, жамоамизнинг энг яхши футболчисини аниқлаш мақсадида телеграмдаги расмий каналда мухлислар ўртасида сўровнома ўтказганди.

10 кун давом этган сўровнома якунларига кўра, Ратиньо «Динамо»нинг апрел ойидаги энг яхши ўйинчиси деб топилди.

Бразилиялик яримҳимоячи «Сўғдиёна» билан баҳсда (1:1) супергол уриб, бу зарба Суперлигада апрел ойининг энг чиройли голи деб топилди. Ўтган ойдаги қолган ғалабали ўйинларда ҳам у фаоллиги билан ажралиб турди. Натижада, Журани Франциско Феррейра «Динамо» матбуот хизмати сўровномасида энг кўп – 53 фоиз (1435та овоз) билан апрел ойининг энг яхши футболчиси деб топилди.

Шунингдек, ўтган ойнинг энг яхши ўйинчиси Анваржон Ҳожимирзаев, Марко Станоевич, Равшанбек Ягудин, Фирдавс Абдураҳмонов ва Улуғбек Абдуллаев ҳам сўровномада кейинги ўринларни эгаллаган.