Исроиллик вингер Манор Соломон Англиянинг "Тоттенхэм" клубини тарк этишга яқин турибди. Бу ҳақда CaughtOffside хабар бермоқда.
Ўтмишда Донецкнинг "Шахтёр" жамоасида ўйнаган 25 ёшли футболчи асосий таркибда ўзини кўрсата олмади ва "Лидс"га ижарага юборилди, унинг таркибида Чемпионшип ғолиби бўлди. Футболчи мураббий Постекоглунинг режаларига кирмайди ва тахминан 18 миллион еврога сотилиши мумкин. London World хабарига кўра, Соломон аллақачон Франциянинг "Марсель" клуби билан шахсий шартнома бўйича келишувга эришган.
Жорий мавсумда исроиллик футболчи барча мусобақаларда 41 та ўйинда майдонга тушиб, 10 та гол урди ва 13 та голли узатмани амалга оширди.
