"Реал" ярим ҳимояни кучайтирмоқчи. Мадрид клубига қизиқ бўлган ярим ҳимоячилар орасида "Челси" вакили Энцо Фернандес ҳам бор. Шу фонда 24 ёшли аргентиналик номзод "қаймоқранглилар"га таклиф қилинди.
Муаммо шундаки, "Челси" Фернандесни 80 миллион евродан камига қўйиб юбормайди. "Реал" президенти Флорентино Переснинг фикрича, Энцо бунча пулга арзимайди.
Фернандеснинг Лондондаги амалдаги шартномаси 2032 йилнинг ярмигача мўлжалланган. Энцо "Челси" сафида жами 105 та ўйинда майдонга тушиб, 14 та гол ва 19 та голли узатмани ўз ҳисобига ёздириб қўйган.
