Туриннинг "Ювентус" клуби ҳимоячиси Пьер Калюлу мавсум якунига қадар "бьянконерилар" сафида бошқа ўйнамайди. Калюлю А Сериянинг 36-турида "Лацио"га қарши ўйинда майдондан четлатилгани учун икки ўйинга дисквалификация қилинди. Эслатиб ўтамиз, франциялик футболчи ўйиннинг 60-дақиқасида (1:1) майдонни тарк этди.
Шу тариқа, "Ювентус" қолган 37 ва 38-турларда ҳам Калюлюдан фойдалана олмайди. Мавсум якунига қадар туринликлар "Удинезе" ва "Венеция" билан ўйнайди.
Айни пайтда "Ювентус" тўртинчи ўринда ва 64 очкога эга, бу Чемпионлар Лигасига кириш зонаси.













