Лиам Делап учун курашда "Манчестер Юнайтед" етакчилик қилмоқда.
Манкунианликлар "Ипсвич" ҳужумчиси трансферига асосий даъвогар бўлиб турибди, деб хабар беради Sky Sports. 22 ёшли футболчи "Юнайтед"га ўтишдан хурсанд бўларди, аммо унинг якуний қарорига Европа Лигаси финалидаги натижа таъсир қилиши мумкин - ғолиб Чемпионлар Лигаси йўлланмасини қўлга киритади. Рубен Аморим жамоаси 21 май куни "Тоттенхэм"га қарши ўйинда соврин учун майдонга тушади.
Делапнинг шартномасида 30 млн фунт миқдорида товон пули кўрсатилган. Футболчига "Челси" ва "Ньюкасл" клублари ҳам қизиқиш билдирмоқда.
Ҳужумчи жорий мавсум АПЛда 35 та ўйинда майдонга тушиб, 12 та гол ва 2 та голли узатмага муаллифлик қилди.
