Машҳур нидерландиялик собиқ ярим ҳимоячи, уч хил клуб билан Чемпионлар лигасида ғолиб чиққан Кларенс Зеедорф энди маслаҳатчи бўлиб ишлайди. Лекин Европада эмас, балки Эронда.
Зеедорфга Эрон футболидаги энг кучли клублардан бири бўлган "Истиқлол" клубидан жозибали таклиф тушди. Шартнома бир йилга тузилган.
Миш-мишларга кўра, унинг "Аякс"даги собиқ жамоадоши Франк де Бур Зеедорф ортидан Эрон клубига боради. Илгари де Бур нафақат Амстердам клуби, балки Миланнинг “Интер” клубини ҳам бошқарган. У Эрон клубининг янги мураббийи бўлиши керак.













