"РБ Лейпциг"нинг юлдуз форварди АПЛнинг икки топ-клуби назарига тушди.
Журналист Николо Скиранинг маълум қилишича, Беньямин Шешкога АПЛнинг бирданига икки топ-клуби қизиқиш билдирмоқда, бироқ у уларнинг номини ошкор қилмаяпти. Аввалроқ, истеъдодли футболчига "Арсенал"дан қизиқиш бўлаётгани ҳақида хабарлар тарқалган эди.
Қайд этилишича, 21 ёшли словенияликнинг "Лейпциг" билан 2029 йилнинг июнь ойи охиригача мўлжалланган шартномасида унинг товон пули 80 миллион евро этиб белгиланган. Бу товон пулини фақат шу ёзда фаоллаштириш мумкин.
Бу мавсумда Беньямин Шешко "РБ Лейпциг" сафида барча мусобақаларда 44 та ўйинда майдонга тушиб, 21 та гол урди ва 6 та голли узатмани амалга оширди. Машҳур Transfermarkt портали унинг нархини 65 миллион еврога баҳоламоқда.
