Италиялик журналистлар Тиджани Рейндерсдан Италия кубогини қўлга киритган тақдирда мавсумни муваффақиятли деб ҳисоблаш мумкинми, деб сўрашди. Бироқ, нидерландиялик ярим ҳимоячи бунга салбий жавоб берди - унинг сўзларига кўра, бу турнирда муваффақият қозонган тақдирда ҳам, мавсум кўпроқ муваффақиятсиз бўлади.

"Йўқ, йўқ, албатта. "Милан" Скудетто учун курашиши ва Чемпионлар Лигасида анча олдинга бориши керак. Аммо бундай бўлмади. Италия кубогидаги ғалаба омадсиз мавсум аламини енгиллаштириши мумкин, аммо бундан ортиқ эмас," - дея футболчининг сўзларини келтиради pianetamilan.it.

Эслатиб ўтамиз, Рейндерс 2023 йилдан бери "Милан" шарафини ҳимоя қилмоқда.