"Тоттенхэм"нинг ҳужумкор ярим ҳимоячиси Деян Кулушевски чоршанба куни операция қилинди. Бу ҳақда Лондон клуби расмий сайти хабар берди.
Кулушевски ўтган ҳафтада "Кристал Пэлас"га қарши ўйинда оёғидан жароҳат олгани учун операция қилиниши керак эди. Швециялик футболчи энди реабилитация жараёнидан ўтади.
"Шпорлар" Кулушевскининг тикланиш муддатини ошкор қилмади. 2024/2025 йилги мавсумда Деян Кулушевски 50 та ўйин ўтказиб, 10 та гол урди ва жамоадошларига 11 та голли узатмани амалга оширди. Айни дамда "шпорлар" АПЛ турнир жадвалида 17-ўринда бормоқда.
