"Tottenxem"ning hujumkor yarim himoyachisi Deyan Kulushevski chorshanba kuni operasiya qilindi. Bu haqda London klubi rasmiy sayti xabar berdi.

Kulushevski o‘tgan haftada "Kristal Pelas"ga qarshi o‘yinda oyog‘idan jarohat olgani uchun operasiya qilinishi kerak edi. Shvesiyalik futbolchi endi reabilitasiya jarayonidan o‘tadi.

"Shporlar" Kulushevskining tiklanish muddatini oshkor qilmadi. 2024/2025 yilgi mavsumda Deyan Kulushevski 50 ta o‘yin o‘tkazib, 10 ta gol urdi va jamoadoshlariga 11 ta golli uzatmani amalga oshirdi. Ayni damda "shporlar" APL turnir jadvalida 17-o‘rinda bormoqda.