"Фиорентина"нинг ўнг қанот ҳимоячиси Додога "Ливерпуль" қизиқиш билдирмоқда. Бу ҳақда журналист Флавио Оньисанти ижтимоий тармоқларида ёзган.
Инглиз клуби вакиллари футболчининг агентлари билан шу мавзуда гаплашиб олишган. Манбага кўра, бу Додонинг 2027 йилнинг ёзида тугайдиган амалдаги шартномасини узайтиришга мойил эмаслиги туфайли рўй бериши мумкин бўлган. У олиб борган музокаралар боши берк кўчага кириб қолганди.
"Ливерпул"дан ташқари ярим ҳимояда ҳам ўйнай оладиган 26 ёшли бразилияликни "Барселона" ва "Интер" ҳам кузатиб бормоқда.
Додо жорий мавсумда барча турнирлар доирасида 44 та ўйин ўтказиб, 12 та сариқ карточка ишлаб, 6 та голли узатмани амалга оширди.
