Флориан Вирцга "Ливерпуль" қизиқмоқда.
Олдинроқ "Байер" ярим ҳимоячиси "Бавария" билан трансферга рози бўлгани маълум бўлганди, аммо "Манчестер Сити" ҳам унинг трансфери бўйича таклиф билан чиққанди. Кеча 22 ёшли футболчи Англияда "шаҳарликлар" билан музокара ўтказди.
Bild журналисти Кристиан Фалк хабарига кўра, футболчи кеча нафақат "Манчестер Сити" билан, балки "Ливерпуль" вакиллари билан ҳам гаплашган. "Мерсисайдликлар" Вирцнинг трансфери 100 миллион евродан кўпроққа тушиши мумкинлигини тушунишади. Тахминларга кўра, "Байер" 150 миллионга яқин пул олишни хоҳлайди.
Шу билан бирга, "Ливерпул"нинг устувор йўналиши - бошқа позицияларни - хусусан, ҳужум марказини мустаҳкамлаш.
Қайд этилишича, "Бавария" 100 миллион евро атрофида таклиф тайёрламоқда ва Флориан трансфер бўйича берган ваъдасини бажаришини кутмоқда.
