"Комо" ярим ҳимоячиси Николас Пас Миланнинг "Интер" клуби радарларидан тушмаяпти.
"Нерадзуррилар" 20 ёшли футболчини ўз сафига қўшиб олиши осон бўлмайди, чунки Мадриднинг "Реал" клуби асосий харид ҳуқуқини ўзида сақлаб турибди. Шунга қарамай, "Интер" ҳамон умидли аргентиналик футболчини нишонга олган: Tuttosport хабарига кўра, миланликлар вице-президенти Хавер Дзанетти яқинда ҳужумкор ярим ҳимоячи билан учрашув ўтказган.
Николас Пас А Сериянинг жорий мавсумида "Комо" сафида 33 та ўйинда майдонга тушиб, 6 та гол ва 9 та голли узатмани ўз ҳисобига ёздириб қўйди.
