"Реал" "Бенфика"дан Альваро Каррерас трансфери устида ишламоқда.
22 ёшли чап қанот ҳимоячисининг шартномасидаги товон пули 50 миллион еврони ташкил этади, аммо мадридликлар "Бенфика" билан бу суммани камайтириш бўйича келишиб олишни истамоқда, деб ёзади Marca.
"Манчестер Юнайтед" 31 декабрга қадар футболчини 18 миллион еврога сотиб олиш ҳуқуқини ўзида сақлаб қолади. Шунга қарамай, "қаймоқранглилар" раҳбарияти инглиз клубини жалб қилиш имкониятини истисно қилмоқда ва лиссабонликлар билан тўғридан-тўғри шартнома тузишга умид қилмоқда.
Таъкидланишича, "МЮ"да сотиб олиш банди борлиги "Реал"ни хавотирга солмоқда. Каррераснинг ўзи Англияга қайтишни истамаслигини очиқ-ойдин билдириб қўйди.
Манбага кўра, агар якунда "Реал" Каррерас бўйича келишувни амалга ошира олмаса, клуб чап қанот ҳимоясини кучайтиришнинг бошқа вариантларини кўриб чиқади.
Эҳтимолий номзодлар орасида "Борнмут"дан Милош Керкез ва "Милан"дан Тео Эрнандес бор, у аллақачон мадридликларга таклиф қилинган, аммо француз устувор вариантлар қаторига киритилмаган.
