"Real" "Benfika"dan Alvaro Karreras transferi ustida ishlamoqda.

22 yoshli chap qanot himoyachisining shartnomasidagi tovon puli 50 million yevroni tashkil etadi, ammo madridliklar "Benfika" bilan bu summani kamaytirish bo‘yicha kelishib olishni istamoqda, deb yozadi Marca.

"Manchester Yunayted" 31 dekabrga qadar futbolchini 18 million yevroga sotib olish huquqini o‘zida saqlab qoladi. Shunga qaramay, "qaymoqranglilar" rahbariyati ingliz klubini jalb qilish imkoniyatini istisno qilmoqda va lissabonliklar bilan to‘g‘ridan-to‘g‘ri shartnoma tuzishga umid qilmoqda.

Ta’kidlanishicha, "MYU"da sotib olish bandi borligi "Real"ni xavotirga solmoqda. Karrerasning o‘zi Angliyaga qaytishni istamasligini ochiq-oydin bildirib qo‘ydi.

Manbaga ko‘ra, agar yakunda "Real" Karreras bo‘yicha kelishuvni amalga oshira olmasa, klub chap qanot himoyasini kuchaytirishning boshqa variantlarini ko‘rib chiqadi.

Ehtimoliy nomzodlar orasida "Bornmut"dan Milosh Kerkez va "Milan"dan Teo Ernandes bor, u allaqachon madridliklarga taklif qilingan, ammo fransuz ustuvor variantlar qatoriga kiritilmagan.