"Бавария" ҳужумчиси Томас Мюллер келажаги ҳақида гапирди.

- Ҳозирча билмайман. Ҳозирча аниқ ҳеч нарса йўқ, лекин, албатта, ғояларим бор. Ўйлайманки, яқин бир неча ҳафта ичида биз кўпроқ нарсани билиб оламиз. Ҳали олдинда клублар ўртасидаги жаҳон чемпионати бор.

Албатта, мен АҚШ вариантини кўриб чиқяпман. Менда аниқ стратегия йўқ. Мен ҳеч қачон ягона режага эътибор қаратган одам бўлмаганман. Мен таклифларга очиқман," - дея Мюллернинг сўзларини келтиради Sky Sport.

10 май, шанба куни Мюллер Мюнхен клубида сўнгги уй учрашувини ўтказди. Апрель ойида у 2024/25 йилги мавсум охирида жамоани тарк этишини эълон қилди.