"Астон Вилла" бош мураббийи Унаи Эмери ҳужумчи Маркус Рэшфорд "Тоттенхэм" ва "Манчестер Юнайтед"га қарши ўйинларда иштирок эта олмаслигини тасдиқлади.
"Тилеманс ва Рэшфорд ўйнай олмайди," - деди Эмери АПЛнинг 37-туридан ўрин олган "Тоттенхэм"га қарши ўйин олдидан ўтказилган матбуот анжуманида.
Шу билан бирга, "Манчестер Юнайтед" билан тузилган ижара шартномасига кўра, футболчи сўнгги 38-тур доирасида ушбу клубга қарши бўлиб ўтадиган ўйинда иштирок этиши мумкин эмас.
Рэшфорд "Астон Вилла" сафида сўнгги бор 22 апрель куни АПЛнинг 34-туридан ўрин олган "Манчестер Сити"га (1:2) қарши ўйинда майдонга тушганди. Ушбу ўйинда у пайини шикастлади.













