Мадриднинг "Атлетико" клуби Ла Лигада иккинчи даврани жуда ёмон ўтказмоқда.

Мавсум давомида "матрасчилар" чемпионликка даъвогар ҳисобланган ва ҳатто турнир жадвалини бошқарган, аммо мавсумнинг иккинчи ярмидаги муваффақиятсиз натижалар туфайли "Барселона" ва "Реал"дан жиддий ортда қолмоқда. 2025 йил бошидан буён ўтказилган чемпионатнинг 18 ўйинидан Диего Симеоне жамоаси фақат саккизтасида ғалаба қозона олди, яна бештасида дуранг қайд этилди, рақиблар беш марта ғалаба қозонишди.

Пайшанба куни "Атлетико" 36-тур доирасида сафарда "Осасуна"га имкониятни бой берди (0:2). Мадридликларнинг пешқадам "Барса"дан ортда қолиши 15 очкони ташкил қилмоқда.