Ҳужумчи Маркус Рэшфорднинг келажаги мавҳумлигича қолмоқда. BBC хабарига кўра, Рэшфорд "Манчестер Юнайтед" уни фақат "Астон Вилла"га эмас, ҳар қандай клубга 40 миллион фунтга (тахминан 47 миллион евро) сотишга тайёрлигига ишонмоқда.

"Астон Вилла" Рэшфордни шунча пулга сотиб олиш ҳуқуқига эга, аммо ҳали музокаралар бўлмаган. Кўриниб турибдики, кўп нарса Бирмингем жамоасининг келаси мавсумда Чемпионлар лигасига чиқишига боғлиқ бўлади.

Рэшфордга яқин манбаларнинг маълум қилишича, футболчи маошини камайтириш ниятида эмас. Ҳозир, матбуот маълумотларига кўра, бу ҳафтасига 325 минг фунтни ташкил қилади. "Астон Вилла" ижара даврида футболчига кўрсаткичларга қараб маошининг 75 фоизидан 90 фоизигача тўлайди.

BBC хабарига кўра, Рэшфорд яна ижарага кетиши эҳтимоли йўқ эмас. Унинг "Манчестер Юнайтед"га қайтиш эҳтимоли жуда паст баҳоланмоқда.