"Барселона" президенти Жоан Лапорта Ханс-Дитер Флик "блауграна" бош мураббийи сифатида ишлашда давом этадими, деган саволга жавоб берди.
"Умумий муваффақиятнинг юқори фоизи Фликга тегишли. У бизнинг лойиҳамиздан мамнун. Унинг ишлашда давом этишига келишиб олганимизга бир неча ой бўлди. Ханс жуда хурсанд, унинг сўзларига кўра, у мураббий сифатида профессионал фаолиятидаги энг яхши даврларидан бирини бошдан кечирмоқда", - дея Лапорта сўзларини келтиради Sport.es.
Флик ўтган йилнинг баҳорида “Барселона”ни қабул қилиб олганди. Немислар бошчилигида "блауграна" Ла Лига, Испания кубоги ва Испания Суперкубогини қўлга киритди.
