"Барселона" президенти Жоан Лапорта каталонияликлар учун мавсумнинг энг муҳим лаҳзасини айтди.
15 май, пайшанба куни "кўк-анорранглилар" Ла Лиганинг 36-турида "Эспаньол"ни мағлуб этиб (2:0), муддатидан аввал чемпионликни қўлга киритди.
"Ўйлашимча, Суперкубок қайсидир маънода темпни белгилаб берди. Пау Виктор ва Дани Ольмони рўйхатдан ўтказишга тўсқинлик қилишга бўлган шиддатли уринишлар олдидан фитна уюштирилди. Хайриятки, рўйхатдан ўтказишимизни истамаганларнинг қўлидан ҳеч нарса келмади. Айнан шу ерда жамоа жанговар руҳга эга бўлди. Аммо асосий нарса кундалик иш, Флик ва жисмоний тайёргарлик бўйича мураббийларнинг иши эди. Спорт директори футболни тушунади ва тезликни яхши белгилайди," - дея Лапортанинг сўзларини келтиради As.
2024/25 йилги мавсумда "Барселона" Испания кубоги ва Суперкубогини ҳам қўлга киритди. "Кўк-анорранглилар" тарихда иккинчи марта учта миллий совринни ҳам қўлга киритишга муваффақ бўлишди.
