"Сандерленд" шарафини ҳимоя қилаётган англиялик ярим ҳимоячи Жоб Беллингем фаолиятини Испания чемпионатида давом эттириши мумкин. Бу ҳақда Football Espana хабар бермоқда.
Манбага кўра, 19 ёшли Жуд Беллингемнинг укаси трансферига Мадриднинг "Реал" клуби қизиқиш билдирмоқда. Футболчи учун курашда "қаймоқранглилар"га Дортмунднинг "Боруссия" клуби рақиблик қилмоқчи.
Кичик Беллингемнинг "Сандерленд" билан меҳнат шартномаси 2028 йилнинг июнь ойи охиригача мўлжалланган. Transfermarkt портали унинг бозор нархини 22 миллион еврога баҳоламоқда.
Чемпионшипнинг 2024/2025 йилги мавсумида у 42 та ўйинда майдонга тушиб, 4 та гол урди ва 3 та голли узатмани амалга оширди.
