Англия чемпионатида ўйинчилар ва ҳакамларнинг ўйин пайтидаги мулоқотига оид янги қоида пайдо бўлади. 2025-26-йилги мавсумдан бошлаб ҳакам билан мулоқот қилиш ҳуқуқи фақат жамоа сардорида қолади. Бу ҳақда The Telegraph хабар бермоқда.
Ушбу ғоя янгилик эмас ва биринчи марта сўнгги Европа чемпионатида қўлланилган.
Бу ҳақдаги қарор АПЛ клубларининг навбатдаги йиғилишида тасдиқланиши кутилмоқда. Ҳакамлар корпуси вакиллари янги қоидани амалга оширишга қуйи лига клублари ҳам қўшилишини аллақачон исташган.
Дарвозабон сардор бўлган ҳолларда, клублар мулоқот қилиш ваколатларини майдон ўйинчисига беришлари мумкин.
