Англиянинг "Эвертон" клуби афсонаси, ёзда шартномаси якунланадиган Шеймус Коулмэн жамоада қолади. Бу ҳақда The Athletic хабар бермоқда.
"Шеймус келаси мавсумда қолади, шубҳасиз. У таркибнинг бир қисми бўлади, у менга шу ерда керак. Унинг етакчилиги ва кийиниш хонасида футболчиларга етказаётган ғоялари шу қадар кучлики, уни қўйиб юбориш нотўғри бўлади," - деди "ирислар" бош мураббийи Дэвид Мойес жума кунги ўйинолди матбуот анжуманида.
Коулмэн 2009 йилда "Эвертон"га ўтган. Ўнг қанот ҳимоячиси сифатида ўйнаётган 36 ёшли ирландиялик футболчи барча мусобақаларда 427та ўйин ўтказиб, 28та гол урган ва 29та голга ҳаммуаллифлик қилган.
