Нидерландия терма жамоаси ва "Манчестер Юнайтед" форварди Жошуа Зиркзее Италия чемпионатига йўл олиши мумкин.
Corriera dello Sport журналистлари тарқатган хабарга кўра, ҳужумчи хизматига Миланнинг "Интер" клуби қизиқиш билдирмоқда. "Қизил иблислар" агар "нерадзуррилар" Зиркзе учун 40 миллион евро таклиф қилишса, уни қўйиб юборишга тайёр.
Англия Премьер-лигасининг жорий мавсумида 23 ёшли форвард 32 та учрашувда майдонга тушиб, 3 та гол урди ва 1 та голли узатмани амалга оширди. Жошуанинг "қизил иблислар" билан амалдаги меҳнат шартномаси 2029 йилнинг июнь ойи охиригача мўлжалланган.
