Niderlandiya terma jamoasi va "Manchester Yunayted" forvardi Joshua Zirkzee Italiya chempionatiga yo‘l olishi mumkin.
Corriera dello Sport jurnalistlari tarqatgan xabarga ko‘ra, hujumchi xizmatiga Milanning "Inter" klubi qiziqish bildirmoqda. "Qizil iblislar" agar "neradzurrilar" Zirkze uchun 40 million yevro taklif qilishsa, uni qo‘yib yuborishga tayyor.
Angliya Premyer-ligasining joriy mavsumida 23 yoshli forvard 32 ta uchrashuvda maydonga tushib, 3 ta gol urdi va 1 ta golli uzatmani amalga oshirdi. Joshuaning "qizil iblislar" bilan amaldagi mehnat shartnomasi 2029 yilning iyun oyi oxirigacha mo‘ljallangan.
