Виктор Дьёкереш яна Португалия чемпионатининг тўпурарлар пойгасида ғолиб чиқди.
"Спортинг" форварди икки карра Португалия чемпиони бўлди. Швециялик ҳужумчи 33 та ўйинда 39 та гол урган.
Унинг энг яқин таъқибчилари - "Бенфика"дан Эвангелос Павлидис ва "Порту"дан Саму Агехова 19 тадан гол уришди.
Виктор "гол+пас" тизими бўйича ҳам мавсумнинг энг яхши футболчиси бўлди. Унинг ҳисобида 46 (39+7) очко бор.
Турнирнинг энг яхши ассистенти "Спортинг"даги шериги Франсишку Тринкау 14 та голли узатма билан бўлди.
Эслатиб ўтамиз, бир йил аввал ҳам швециялик футболчи 33 ўйинда 29та гол уриб, чемпионат тўпурарига айланганди.
