"Бавария" ҳужумчиси Харри Кейн Бундеслига тўпурарлар пойгасида ғолиб чиқди.
Шанба куни бўлиб ўтган "Хоффенхайм"га қарши сўнгги тур ўйинида (4:0) англиялик футболчи биттадан гол ва ассист муаллифи бўлди. Умуман олганда, Кейн Бундеслиганинг якунланган мавсумида 26 та гол урди - у Дортмунднинг "Боруссия" клубидан Серу Гирасси ва "Байер"дан Патрик Шикни (21 тадан гол) ортда қолдириб, турнирнинг энг яхши тўпурарига айланди. Шу тариқа, мюнхенликлар форварди янги рекордни забт этди: у икки дебют мавсумида Германия чемпионатининг энг яхши тўпурари бўлишга муваффақ бўлган биринчи футболчи бўлди.
Эслатиб ўтамиз, Харри Кейн 2023 йилнинг ёзида "Тоттенхэм"дан "Бавария"га кўчиб ўтган эди. Ўтган мавсумда футболчи Бундеслигада 36 марта гол урган.
