"Барселона" "Астон Вилла"да ижара асосида тўп тепаётган "Манчестер Юнайтед" ҳужумчиси Маркус Рэшфордни ўз сафига қўшиб олиш ҳақида ўйламоқда.
Бирмингем клуби шартномада кўрсатилган 27 ёшли футболчининг сотиб олиш пунктини фаоллаштиришдан бош тортиши мумкин. Бундай ҳолатда форвард яқинлашиб келаётган трансфер ойнасида яна жамоасини ўзгартириши кутилмоқда. Рэшфордга даъвогарлардан бири "Барселона" ҳисобланади. Diario Sport хабарига кўра, Каталония гранди инглизни кейинчалик сотиб олиш имконияти билан ижарага олмоқчи - бундай келишувни амалга ошириш тўғридан-тўғри трансфердан кўра осонроқ.
Маълумотларга қараганда, "Манчестер Юнайтед" Маркус Рэшфордни 40 млн еврога сотишга тайёр.
