Лиссабоннинг "Спортинг" клуби ҳужумчиси Виктор Дьёкереш келажаги ҳақида гапирди.
Швед "шерлар"га 39 та гол ва саккизта голли узатма билан Португалия чемпионлигини қўлга киритишга ёрдам берди. Шанба куни 26 ёшли футболчи сўнгги тур ўйинида "Витория Гимараэс" дарвозасини ишғол қилди (2:0).
"Кейинги клубим? Келажакни олдиндан айтиб бўлмайди. Нима бўлишини ҳеч қачон билмайсан. Ҳозир чемпионликни нишонлаш ва яқинлашиб келаётган Португалия кубоги финали ҳақида ўйлаяпман," - дея Дьёкерешнинг сўзларини келтиради журналист Фабрицио Романо.
Миш-мишларга кўра, форвардни Лондоннинг "Арсенал" клуби ўз сафига қўшиб олишга яқин турибди. Потенциал трансфер қиймати 70 млн евродан кўпроққа баҳоланмоқда.
