"Лилль" ҳужумчиси Жонатан Дэвид А Сериянинг яна бир гранди трансфер мақсадига айланди.
25 ёшли футболчи "итлар" сафини эркин агент сифатида тарк этмоқда, шу боис у ҳозирданоқ бошқа клублар билан музокаралар олиб бориши мумкин. Хабарингиз бор, ҳужумчини Миланнинг "Интер" ва "Наполи" клублари ўз сафига қўшиб олишга ҳаракат қилмоқда. Sky Sport хабарига кўра, "Ювентус" ҳам канадалик футболчи учун курашга қўшилишга қарор қилган.
Келаси ёзда "кекса синьора" катта эҳтимол билан Душан Влахович билан хайрлашади, Рандаль Коло-Муани эса ижара муддати тугагач, "ПСЖ"га қайтади. Дэвиднинг трансфери туринликларга серб ва французнинг ўрнини тўлдиришга ёрдам беради.
Жорий мавсумда Жонатан Девид "Лилл" сафида 49 та ўйинда 25 та гол ва 12 та голли узатмага муаллифлик қилган.
