"Лион" ҳужумкор ярим ҳимоячиси Райан Шерки клубни тарк этаётганини эълон қилди.
Шанба куни 21 ёшли футболчи "тўқувчилар"га Франция чемпионатининг сўнгги турида "Анже"ни мағлуб этишга ёрдам берди (2:0) ва ўз ҳисобига голли узатма ёздириб қўйди. Учрашувдан кейинги интервьюсида француз клубдаги сўнгги ўйинини ўтказганини тасдиқлади.
"Лион"га раҳмат. Мураббий, ходимлар, клуб президенти, жамоадошларим ва бу ерда ишлайдиган барчага," - дея хайрлашди футболчи, унинг сўзларини журналист Фабрицио Романо келтирган.
Райан Шеркига "Ливерпуль," "Арсенал," "Тоттенхэм," "Манчестер Юнайтед," "Боруссия Дортмунд" ва бошқа клублар қизиқиш билдирган. Хавбекнинг "Лион" билан шартномаси 2026 йилнинг ярмигача мўлжалланган.
