"Манчестер Сити" ярим ҳимоячиси Бернарду Силва жамоадоши Клаудио Эчеверрини мақтади.

19 ёшли аргентиналик футболчи шанба куни Англия кубоги финалида "Кристал Пэлас"га қарши ўйинда (0:1) "шаҳарликлар" сафида дебют қилди.

"У ажойиб, бу машғулотларда сезилди. Очиғи, у биз билан машғулотларни бошлаганида ҳаммамиз жуда ҳайрон қолдик. Биз уни билмасдик, у эса жуда, жуда яхши! Ишончим комилки, уни ёрқин келажак кутмоқда," - дея Силванинг сўзларини келтиради City Report.

"Манчестер Сити" Клаудио Эчеверрини 2024 йил бошида Аргентинанинг "Ривер Плейт" клубидан сотиб олган, аммо дарҳол бир йилга қайта ижарага берган эди. Трансфер қиймати 18,5 млн еврони ташкил этган.