Таниқли футбол инсайдери Фабрицио Романонинг маълум қилишича, Сесар Аспиликуэта "Атлетико" билан шартномани узайтирмайди ва жорий мавсум якунида жамоани тарк этади.
35 ёшли испаниялик ҳимоячи фаолиятини Европа чемпионатларида давом эттириш вариантларини кўриб чиқмоқда, аммо у собиқ клуби "Челси"га бўлган ҳурмат туфайли Англия Премьер-лигасига қайтиши деярли мумкин эмас.
"Атлетико"даги фаолияти давомида испаниялик 53 та ўйин ўтказиб, битта гол урган ва икки марта шерикларига гол уришга ёрдам берган. Бунгача у фаолиятида "Марсель" ва "Осасуна" каби клубларда тўп тепган.
