Лондоннинг "Арсенал" клуби ҳимоячиси Якуб Кивёр фаолиятини Италия А Сериясида давом эттириш вариантига эга. Польшалик футболчининг хизматларига "Наполи" қизиқиш билдирмоқда, деб хабар беради Calciomercato.
Журналистлар маълумотига кўра, неаполликлар футболчини сотиб олишга тайёр, фақат бир шарт билан. Италияликлар "канонирлар"нинг ён беришини ва футболчининг нархини 35 миллион еврога туширишини истамоқда.
Якуб жорий мавсум 28 та ўйинда иштирок этиб, 1 та гол ва 2 та голли узатмани ўз ҳисобига ёздириб қўйди. Ҳимоячи ва "Арсенал" ўртасидаги амалдаги шартнома 2028 йилнинг июнь ойи охиригача мўлжалланган.
